Сігнал пра канец шантажу мігрантамі? Пад Мінскам у аграсядзібе АМАП затрымаў амаль 100 нелегалаў
Супрацоўнікі аддзела па грамадзянстве і міграцыі Мінскага РУУС пры падтрымцы АМАПа ў аграсядзібе ў Міханавічах выявілі групу нелегальных мігрантаў, паведамляе прэс-служба МУС.
Затрыманыя 94 чалавекі: грамадзяне Алжыра, Афганістана, Егіпта, Емена, Ірака, Сірыі, Марока і Пакістана. Яны прыбылі ў нашу краіну з Расіі наземным транспартам і планавалі паехаць у Заходнюю Еўропу. Беларускіх віз у іх няма.
54 замежнікі прыцягнутыя да адміністрацыйнай адказнасці, ім дадзенае права добраахвотнага выезду. Сямёра, якія не маюць дакументаў, затрыманыя для высвятлення асобы. У дачыненні да чацвярых разглядаецца пытанне аб завядзенні крымінальнай справы ў сувязі з парушэннем тэрміну забароны ўезду ў Беларусь. 27 чалавек прымусова выдвараныя з краіны. Двое перададзеныя ў сталічны рэгіён для высвятлення абставін ухілення ад добраахвотнага выезду.
Пачынаючы з лета 2021 года Беларусь актыўна прыцягвала на сваю тэрыторыю мігрантаў з краін Азіі і Афрыкі і скіроўвала іх на межы Польшчы, Літвы і Латвіі. Гэта суправаджалася крыклівай прапагандысцкай кампаніяй. Кульмінацыяй яе была спроба арганізаванага штурму польскай мяжы ў Брузгах у лістападзе 2021 года, якую цэнтралізавана асвятлялі лукашэнкаўскія СМІ.
Кампанія выглядала як шантаж еўрапейскіх краін у адказ на падтрымку руху за грамадзянскія правы ў Беларусі. Пазней гучалі меркаванні, што гібрыдная атака з выкарыстаннем нелегальных мігрантаў была ўзгодненай з Масквой спробай застрашыць еўрапейскія краіны напярэдадні нападу на Украіну і настроіць грамадскую думку краін Еўрасаюза супраць прыёму ўцекачоў — хваля якіх чакалася падчас вайны.
У выніку супраць лукашэнкаўцаў былі ўведзеныя новыя санкцыі, а Польшча, Літва і Латвія ўмацавалі свае межы з нашай краінай. Быў таксама закрыты памежны пераход «Брузгі-Кузніца».
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!1
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары
На этих существ нужно постоянно дачить и шатать этот людоедский режим.