Амерыканскі Інстытут вывучэння вайны (ISW) у апошняй зводцы паведамляе, што, паводле яго ацэнак, расіяне за апошні тыдзень узялі пад кантроль яшчэ прыкладна пяць адсоткаў тэрыторыі Бахмута і цяпер займаюць каля 65% тэрыторыі горада.
ISW піша, спасылаючыся на паведамленні расійскіх крыніц і відэа з геалакацыяй, што з поўдня часткі ПВК «Вагнер» прасунуліся да самага цэнтра, да рынка і Палаца культуры, размешчанага побач з будынкам гарадской рады; на паўночным захадзе горада ПВК «Вагнер» цалкам узяла тэрыторыю АЗАМ — завода па апрацоўцы каляровых металаў і прасунулася ў прамзону далей на поўдзень.
Плошча Бахмута складае крыху больш за 40 кв. км, такім чынам, 5% тэрыторыі горада — гэта каля двух квадратных кіламетраў.
У сваю чаргу ўкраінскі Генштаб паведамляе, што Бахмут трымаецца.
Таксама расіяне атакуюць на самым паўночным адрэзку фронту і ў раёнах Аўдзееўкі і Мар'інкі, але там іх атакі беспаспяховыя.
«На бахмуцкім кірунку вораг працягвае штурмавыя дзеянні ў горадзе Бахмуце. Тым не менш, нашы абаронцы мужна трымаюць горад, адбіваюць шматлікія атакі праціўніка», — паведамляе Генштаб і далей распавядае пра адбітыя, як ён сцвярджае, напады на паўночным і паўднёвым захадзе ад Бахмута.
Цяпер чытаюць
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць6
Каментары