10 гадоў турмы за забойства свайго нованароджанага дзіцяці
Мінскім абласным судом да 10 гадоў пазбаўлення волі прыгаворана 43‑гадовая жыхарка Узды, абвінавачаная ў наўмысным забойстве нованароджанага дзіцяці.
Прыгавор быў абвешчаны 26 лютага і яшчэ не набыў законную моц.
Як паведаміла старшы памочнік пракурора вобласці Таццяна Калініна, маці пяцярых дзяцей абвінавачваецца ў тым,
што ў канцы лістапада 2009 года забіла шостае дзіця. Нованароджанага яна паклала ў поліэтыленавы пакет і кінула ў выграбную яму.
Па заключэнні камісійнай комплекснай амбулаторнай судова‑псіхіятрычнай экспертызы жанчына ва ўмовах псіхатраўмуючай сітуацыі, выкліканай родамі, не знаходзілася. Таму яе дзеянні кваліфікаваныя па п. 2 ч. 2 арт. 139 КК (наўмыснае забойства заведама малалетняга, які знаходзіцца ў бездапаможным стане).
Абвінавачваная раней ужо была асуджаная за замах на забойства чацвёртага дзіцяці ў сям’і,
але абышлася ўмоўным асуджэннем да трох гадоў пазбаўлення волі.
Труп нованароджанай дзяўчынкі быў знойдзены ў выграбной яме на ўчастку дома 43‑гадовай жыхаркі райцэнтра 30 лістапада.
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!3
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары