Ураджэнец Узбекістана вербаваў беларусак для працы прастытуткамі ў Маскве з поўным сацпакетам
Выхадзец з Узбекістана В. быў зарэгістраваны ў Дрыбінскім раёне, але апошнія гады жыў у Маскоўскай вобласці.Працаваў на будоўлі.
Як патлумачыла старшы памочнік пракурора Кастрычніцкага раёна Магілёва Святлана Крывашэіна, В. прыехаў у Магілёў нібыта да сваякоў. Па Інтэрнэце на адным з сайтаў знаёмстваў завёў перапіску з магіляўчанкай. Тая пісала, што гатовая сустрэцца з мужчынам за грошы. Прысвоіўшы сабе нік «Азалачу», В. уступіў з дзяўчынай у віртуальны, а потым і ў рэальны кантакт. Яны сустрэліся ў кафэ, куды дама прыйшла па яго просьбе з сяброўкамі.
Суддзя суда Кастрычніцкага раёна Магілёва Ірына Цяплова распавяла, што В. прапаноўваў магіляўчанкам занятак прастытуцыяй у Маскве, высокія заробкі і нават поўны сацпакет (да прыкладу, медыцынскае абслугоўванне на бясплатнай аснове).Дзяўчаты ўзялі час на роздум і… адправіліся ў міліцыю. Далей яны дзейнічалі пад кіраўніцтвам аператыўнікаў. В. ўзялі ў аўтамабілі, куды ён пасадзіў магіляўчанак і павёз да месцаў казачных заробкаў. У матэрыялах справы адзначаецца, што ён раіў дзяўчатам нічога не браць у дарогу, акрамя ніжняй бялізны і касметыкі.
Па прысудзе суду В. атрымаў сем гадоў пазбаўлення волі ў калоніі ўзмоцненага рэжыму.
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?20
Каментары