У 2013 годзе на 1.700 месцаў скароціцца прыём абітурыентаў у ВНУ на навучанне за сродкі бюджэту, у тым ліку на дзённай форме навучання — на 800 месцаў [у 2012 г. на бюджэт планавалася набраць 24,4 тыс. студэнтаў -- НН]. Пра гэта паведаміў міністр Сяргей Маскевіч 6 лютага на калегіі Мінадукацыі ў Мінску.
Паводле яго слоў, пры скарачэнні агульнага аб’ёму прыёму працягнецца пераразмеркаванне месцаў з незапатрабаваных на «запатрабаваныя высокатэхналагічныя спецыяльнасці». Важная задача, сказаў Маскевіч, — «інавацыйная актыўнасць, узмацненне практычнай падрыхтоўкі ў ВНУ».
З мэтай павышэння якасці падрыхтоўкі ў 2013 годзе плануецца павялічыць ніжні парог для ўдзелу ў конкурсе пры паступленні ў ВНУ да 15 балаў па рускай і беларускай мовах, фізіцы, матэматыцы, хіміі, біялогіі, да 20 балаў — па гуманітарных прадметах. Паводле прагнозу міністра, у сувязі з гэтым сёлета зменшыцца аб’ём прыёму на платную форму навучання. Ён таксама паведаміў, што ў 2011/2012 навучальным годзе з ВНУ Беларусі
Важным кірункам ён лічыць павелічэнне прыёму ў ВНУ абітурыентаў, якія атрымалі сярэднюю спецыяльную адукацыю, на скарочаныя тэрміны навучання. Сёння такую падрыхтоўку ажыццяўляе 21 ВНУ сістэмы Мінадукацыі з 23, усе ВНУ Міністэрства сельскай гаспадаркі і харчавання, ВНУ пяці іншых міністэрстваў, сем прыватных ВНУ. Неабходна, каб у 2013 годзе «ўсе ВНУ распрацавалі інтэграваныя адукацыйныя праграмы і арганізавалі падрыхтоўку па скарочаных тэрмінах навучання, інакш многія могуць застацца без студэнтаў», заявіў міністр.Сярод задач на 2013 год Маскевіч назваў пераход ВНУ на дыферэнцыяваныя тэрміны навучання па 62% спецыяльнасцяў.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць4040
Каментары