Суд над кіроўцам «Поршэ», дзень 2: абарона хадайнічае аб паўторнай экспертызе
Абарона абвінавачанага ў ДТЗ, у якім каля школы ў Мінску загінуў трэцякласнік, просіць суд прызначыць паўторную экспертызу і змякчыць вадзіцелю "Поршэ", які ўтрымліваецца пад вартай, меру стрымання.
З такім хадайніцтвам на працэсе ў судзе Фрунзенскага раёна выступіў адвакат Ігар Папкоўскі.Паводле яго слоў, паўторная экспертыза неабходна для таго, каб усё-такі вызначыць, ці мог вадзіцель пазадарожніка з тэхнічнага пункта гледжання пазбегнуць наезду на дзіця, прадухіліць яго. Нагадаем, высновы афіцыйнай экспертызы і незалежнага эксперта па гэтым пытанні разыходзяцца.
Што да змены меры стрымання, то абарона хадайнічае аб замене знаходжання пад вартай на падпіску аб нявыездзе. Сярод абгрунтаванняў — у абвінавачанага двое малалетніх дзяцей і ён перадаў сям'і загінулага хлопчыка 200 мільёнаў рублёў.
Рашэнне па гэтых хадайніцтвах павінна быць абвешчана ў судзе 13 лютага. Дзяржабвінаваўца Ірына Лапцэвіч выказалася супраць іх задавальнення, пацярпелыя — супраць экспертызы. Вырашэнне другога хадайніцтва яны пакінулі на меркаванне суддзі.
На слуханнях 12 лютага суддзя Юлія Блізнюк чарговым разам прапанавала пацярпелым выказацца наконт магчымага пакарання абвінавачанаму Андрэю Забабуру і сваіх прэтэнзій да яго. Яны зноў заявілі, што зробяць гэта пазней.
***
Нагадаем, 37-гадовы мінчанін Андрэй Забабура, кіруючы аўтамабілем "Поршэ-Каен", 13 лістапада 2012 года каля школы № 23 на вуліцы Панчанкі ў Мінску збіў і наехаў на дзевяцігадовага Улада Грудзьева. Вадзіцель абвінавачваецца ў парушэнні правілаў дарожнага руху і ва ўчыненні злачынства, прадугледжанага ч. 2 арт. 317 КК (парушэнне правілаў дарожнага руху, што пацягнула па неасцярожнасці смерць чалавека).
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім12
Каментары