Ёсць магчымасць супрацоўніцтва з Беларуссю, а адна з сфер для бізнесу — турызм і розныя яго віды, заахвочванне медыцынскага турызму, сказала на IX Міжнародным беларуска-літоўскім эканамічным форуме міністр эканомікі Бірутэ Весайце.
«Рост інвестыцый у Беларусі паказаў, што беларускі рынак цікавы і перспектыўны. Хацелася б прывесці прыклад -- два буйныя гульцы літоўскага рынку бачаць магчымасць інвестыцый у Беларусі, нягледзячы на нестабільнае юрыдычнае асяроддзе для інвестыцый. Не магу не згадаць і яшчэ адну важную сферу ў супрацоўніцтве дзвюх краін - турызм. Дзяржаўны дэпартамент па турызме актыўна супрацоўнічае з прадпрымальнікамі беларускага турыстычнага сектара", — сказала міністр.
Яна адзначыла, што беларускія прадпрымальнікі гэтага сектара былі з візітам у Літве, аднак іх магло б прыязджаць і больш, калі б палегчылі пытанне атрымання віз. Паводле яе слоў, маглі б развіваць не толькі турызм, але і медыцынскі турызм.
Весайце нагадала, што ў апошнія пяць гадоў павялічылася колькасць турыстаў з Беларусі: ў 2012 г. Літву наведалі 400 тыс. чалавек, гэта на 18% больш, чым у 2011 г.
«Калі б палегчылі візавае пытанне, то іх колькасць магла б і павялічыцца», — прагназуе міністр.
Весайце сказала, што ёсць яшчэ нявыкарыстаныя рэзервы для супрацоўніцтва паміж Літвой і Беларуссю.
«Перспектыва заахвочвання супрацоўніцтва з Беларуссю ёсць: стварыць спрыяльныя і канкурэнтныя ўмовы для інвестыцый і прадпрымальнікаў», — патлумачыла міністр.
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары