14-гадовай Ганне, якая абгарэла на Купаллі, патрэбная перасадка скуры.
Маці дзяўчынкі спадарыня Вольга, якая таксама цяпер у апёкавым цэнтры, распавяла, што сама ідзе на папраўку, а яе дачку чакае аперацыя і рэабілітацыя.
«У мяне са здароўем
У маёй дачкі сітуацыя больш складаная. Патрабуецца перасадка скуры на правай руцэ. Магчыма, аперацыя адбудзецца заўтра. Напакутавалася, канечне, яна ад болю і ад стрэсу.У яе былі апёкі ІІ і ІІІ ступені. Добра, што твар полымя мала закранула. Ганна амаль не можа рухацца, з чужой дапамогаю можа сесці. Учора намацала, што абгарэлі валасы, — моцна плакала. Але валасы — гэта нічога, адрастуць нанава.
З Ганнай пастаянна знаходзіцца бабуля, бо дзяўчынка зусім бездапаможная, не можа нават паесці сама.Лекарка сказала, што не менш за два тыдні пасля аперацыі яшчэ будзем ляжаць у лякарні. Гэта калі не будзе наступстваў».
22 ліпеня спадарыні Вользе тэлефанавалі са следчага камітэта Крупскага раёна. Пыталіся, ці будзе падаваць позву на Алеся Пушкіна.
«Я пакуль не ведаю, што адказаць. Бо не ведаю, якія наступствы будуць і што будзе з дачкой. Вядома, не хацелася б, бо Алесь добры чалавек і вельмі пацярпеў маральна. У мяне няма мэты, каб яго пасадзіць у турму. Зразумела, што гэта выпадковасць, неасцярожнасць», — сказала спадарыня Вольга.
Маці іншай пацярпелай,22-гадовай Паліны, увесь час побач з дачкой у Рэспубліканскім апёкавым цэнтры. Спадарыня Вераніка паведаміла, што ў яе дачкі справы ідуць добра, настрой бадзёры.
«Але калі выпішуць — пакуль невядома, усё залежыць ад таго, калі загояцца раны. Адразу пасля здарэння Паліне было цяжкавата: і боль, і стрэс, і спалохалася, і крыўдна, і нечакана. Але з часам боль праходзіць, я побач пастаянна, таму псіхалагічны стан Паліны добры», — кажа маці Паліны.
Спадарыні Вераніцы таксама тэлефанавалі са следчага камітэта Крупскага раёна. Яна адказала, што іх супольнае з Палінай рашэнне — позву не падаваць.
«Мы прэтэнзій да Алеся Пушкіна не маем. Я так і сказала следчаму. Ні я, ні Паліна на Пушкіна зла не трымаем, таму што ніякай злой задумы ў яго не было, здарыўся няшчасны выпадак праз неасцярожнасць. Я Пушкіна асабіста не ведаю. Але некалькі разоў размаўляла з ім па тэлефоне. Ён сам тэлефануе, запытваецца пра стан Паліны. У мяне пра яго склалася добрая думка».
***
Няшчасны выпадак здарыўся ў ноч з 6 на 7 ліпеня ў Бабры (Крупскі раён Менскай вобласці), у сядзібе мастака Алеся Пушкіна. Гатавалі крупнік. Агонь перакінуўся на спірт, які гаспадар заліваў у чан. У выніку апёкі рознай ступені атрымалі пяць чалавек, двое з іх трапілі ў рэанімацыю. Праз некалькі дзён пацярпелых перавезлі ў апёкавы цэнтр у Мінск.
Цяпер чытаюць
Пальчыс, Андрэева, Лойка і іншыя імёны — пасля візіту амерыканскіх дыпламатаў у Мінск вызвалілі 250 палітвязняў13
Каментары