Васількоў на волі: «На Акрэсціна вёў дзённік і пісаў з бамжом вершы»
4 жніўня пасля 10 сутак адміністрацыйнага арышту выйшаў на волю актывіст грамадзянскай кампаніі «Гавары праўду» Віталь Васількоў.
«25 ліпеня мы збіраліся адсвяткаваць умоўнае вызваленне Някляева. Я выйшаў на ганак нашага офіса папаліць, мяне схапілі людзі ў цывільным і запіхнулі ў мікрааўтобус, — кажа Васількоў. — Мяне прывезлі ў РУУС, а потым асудзілі за аказанне супраціву міліцыі».
На Акрэсціна Віталь вёў дзённік, чытаў кнігі і нават дапамагаў бяздомнаму пісаць вершы.
Актывіст расказаў пра ўмовы ў новым корпусе Цэнтра ізаляцыі правапарушальнікаў: у камеры ёсць гарачая вада, а зняволеным выдаюць матрацы і бялізну. «Я нават два разы трапіў у душ», — кажа Васількоў.
Цяпер чытаюць
Ціханоўская едзе ў Нью-Ёрк. Яна можа перасекчыся з прадстаўнікамі Лукашэнкі, але галоўную інтрыгу пакуль не раскрываюць26
Каментары