У Міжнародным музычным фестывалі «Залаты шлягер», які пройдзе ў Магілёве 8—13 кастрычніка, возьмуць удзел музыканты з 17 краін, у тым ліку Расіі, ЗША, Італіі, Кубы, Сербіі, Ізраіля, Латвіі, Арменіі.
Пра гэта 2 кастрычніка на прэс-канферэнцыі паведаміў мастацкі кіраўнік фестывалю Андрэй Каліна.
Ён адзначыў, што сёлета арганізатары фестывалю паспрабавалі ахапіць максімальную колькасць музычных жанраў. Гледачы пачуюць папулярную, народную, джазавую, танцавальную музыку.
Сярод знакамітых гасцей фестывалю расійскія выканаўцы Крысціна Арбакайтэ, Лайма Вайкуле, Юрый Антонаў, беларускія — Іна Афанасьева, Ядзвіга Паплаўская і Аляксандр Ціхановіч, Алёна Ланская, Іскуі Абалян і многія іншыя.
Каліна паведаміў, што магіляўчан і гасцей горада чакае насычаная праграма, у якую арганізатары ўключылі канцэрты, цікавыя і для дзяцей, і для моладзі, і для людзей сталага ўзросту, а таксама для людзей старэйшага ўзросту.
Урачыстае адкрыццё фестывалю «Залаты шлягер» адбудзецца 10 кастрычніка ў Лядовым палацы Магілёва. Канцэрт збярэ на адной сцэне знакамітых артыстаў Расіі, Беларусі, а таксама музыкантаў з ЗША, Грузіі, Эстоніі, Кубы.
11 кастрычніка ў Палацы культуры адбудзецца конкурс маладых выканаўцаў, які доўгі час не праводзіўся ў межах фестывалю. «Мы атрымалі вялікую колькасць заявак ад выканаўцаў з розных краін і вырашылі, што неабходна і мэтазгодна адрадзіць гэты конкурс», — адзначыў начальнік галоўнага ўпраўлення ідэалагічнай працы, культуры і па справах моладзі Магілёўскага аблвыканкама Анатоль Сінкавец.
Сярод іншых мерапрыемстваў у межах фестывалю Андрэй Каліна звярнуў увагу журналістаў на канцэрт «Месца сустрэчы — танцпляцоўка», падчас якога будзе гучаць танцавальная музыка, а гледачы змогуць не толькі паслухаць хіты, але і патанцаваць пад іх. Спецыяльным госцем трынаццатага «Залатога шлягера» стане ўраджэнец Беларусі, вядомы выканаўца, народны артыст Расіі Юрый Антонаў.
У закрыцці фестывалю, якое адбудзецца 13 кастрычніка, возьмуць удзел выканаўцы з Беларусі, Расіі, Латвіі, Узбекістана, а таксама пераможцы конкурсу маладых выканаўцу фестываляў мінулых гадоў.
Першы намеснік міністра культуры Беларусі Уладзімір Карачэўскі адзначыў: «Спеўная сталіца Беларусі, якой з'яўляецца Магілёў, у чарговы раз гатова нас здзівіць маштабным фестывалем. Кожны знойдзе любімых выканаўцаў, пачуе любімыя хіты. Фестываль — гэта добрая магчымасць успомніць добрыя песні, якія нас аб'ядноўваюць».
Цяпер чытаюць
Пальчыс, Андрэева, Лойка і іншыя імёны — пасля візіту амерыканскіх дыпламатаў у Мінск вызвалілі партыю палітвязняў10
Каментары