Беларускі бразілец Рэнан Брэсан у аднабаковым парадку скасаваў кантракт з уладзікаўказскай «Аланіяй» (Расія) з-за грубага парушэння клубам фінансавых умоў пагаднення.
Пра гэта паведаміў Прессболу агент футбаліста Валерый Ісаеў.
Футбаліст скарыстаўся пунктам у рэгламенце ФІФА, які дае права легіянеру спыніць дзеянне дамовы, калі запазычанасць па заробку складае больш за тры месяцы.
Раней у СМІ паведамлялася, што заробак Брэсан не атрымліваў з красавіка. Сам футбаліст скардзіўся, што адсутнасць гульнявой практыкі і праблемы з заробкам заганяюць яго ў дэпрэсію.
Ужо зараз паўабаронца мае права заключыць кантракт з любым клубам.
Пошукамі гэтага займаецца агент, сам жа Брэсан адправіўся ў Бразілію, дадае Прессбол.
Рэнан Брэсан перайшоў з БАТЭ у «Аланію» ў снежні мінулага года.
Клуб гуляў у расійскай прэм'ер-лізе, але выбыў у першую лігу. У клуба вялікія фінансавыя праблемы, і ён можа наогул зняцца з чэмпіянату.
Цяпер чытаюць
Беларуска распачала чэлендж «40 спатканняў», але ўжо на сярэдзіне не хавае расчаравання ў мужчынах52
Каментары