Выпадкова пачуў на вуліцы пажарны апавяшчальнік і патэлефанаваў у МНС
Выпадак адбыўся 5 лістапада ў Брэсце.
У 15:34 у службу Міністэрства па надзвычайных сітуацыях патэлефанаваў мужчына. Ён ішоў каля сяміпавярховіка на вуліцы Сальнікава, пачуў гук аўтаномнага пажарнага апавяшчальніка ў адной з кватэраў і патэлефанаваў у МНС.
Ратавальнікі, што прыбылі на месца выкліку, канстатавалі пах дыму. Людзей у кватэры не было. Узгаранне хутка было ліквідавана, Моцна падгарэў журнальны столік.
Кватэра належыць 40-гадоваму мужчыну, які знаходзіўся на працы, але пакінуў дома зараджацца мабільны тэлефон.
Прычына пажару - кароткае замыканне зараднай прылады.
Такім чынам дзякуючы аўтаномнаму пажарнаму апавяшчальніку і неабыякаваму мінаку удалося своечасова выявіць і ліквідаваць узгаранне з мінімальным уронам, паведамляе прэс-служба МНС.
Каментары