Лукашэнка пра валюту: Нічога нікуды не абваліцца, але праблему трэба вырашаць
Аляксандр Лукашэнка пацвярджае прыярытэтнасць для Беларусі задачы па нарошчванні экспарту для прытоку валюты ў краіну. Пра гэта ён заявіў сёння, прымаючы кадравыя рашэнні.
«Палітыка палітыкай, але гандлёва-эканамічнае супрацоўніцтва, экспарт з'яўляецца прыярытэтам нашай знешнеэканамічнай дзейнасці, і ад гэтага нікуды не дзенешся, — падкрэсліў Лукашэнка.
— Геапалітыка нам не патрэбна, мы не збіраемся гуляць у гэтыя гульні, у якія граюцца 7—8 вядомых дзяржаў. Нам гэта абсалютна не трэба. Нам палітыка патрэбна для таго, каб прэзентаваць краіну, абараніць яе інтарэсы, усё астатняе — гэта гандаль, экспарт. гэта задача нумар адзін».
«Будзе экспарт — будзе валюта, будзе валюта — нашым палітычным праціўнікам няма чаго будзе сказаць, — адзначыў Лукашэнка.
— У іх адна праблема і адна балбатня: дэстабілізаваць абстаноўку на валютным рынку — гэта іх самая галоўная задача, яны думаюць, што калі мы валютны рынак абвалім, значыць, абваліцца краіна. Нічога падобнага! Ніхто нікуды не абваліцца. Але гэтую праблему трэба вырашаць, і рашэнне толькі адно — прыток валюты ў нашу краіну».
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей5
Каментары