Упраўленнем Следчага камітэта па Мінскай вобласці распачата крымінальная справа па факце ўхілення ад выплаты сум падаткаў, збораў, якое пацягнула прычыненне ўрону ў асабліва буйным памеры.
Як паведаміла афіцыйны прадстаўнік УСК Таццяна Беланог, падчас праверкі да следства ўстаноўлена, што дырэктар аднаго з камерцыйнага прадпрыемства на працягу мінулага года ажыццяўляў увоз на тэрыторыю Беларусі камплектуючых і расходных матэрыялаў для множыльнай тэхнікі. Затым гэты тавар легалізоўваўся шляхам афармлення фіктыўных дакументаў ад беларускіх суб'ектаў гаспадарання, якія маюць прыкметы лжэпрадпрымальніцкіх структур.
Нанесены дзяржаве ўрон склаў 1,3 млрд. рублёў.
У межах крымінальнай справы праведзены вобшукі ў офісным памяшканні фігуранта, выманне бухгалтарскай і іншай дакументацыі, арыштаваны разліковы рахунак прадпрыемства. У дачыненні да падазронага праводзяцца працэсуальныя і следчыя дзеянні.
Расследаванне справы на падставе ч. 2 арт. 243 КК (ухіленне ад выплаты сум падаткаў, збораў, якое пацягнула нанясенне ўрону ў асабліва буйным памеры) ажыццяўляецца аддзелам па расследаванні злачынстваў у сферы эканомікі.
Крымінальная справа распачата па матэрыялах праверкі ўпраўлення дэпартамента фінансавых расследаванняў КДК па Мінскай вобласці і Мінску.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь15
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары