Пад Днепрапятроўскам людзі леглі на рэйкі, каб не пусціць на Кіеў цягнік з дэсантнкамі
Мясцовыя жыхары ў пасёлку Меліярацыйнае Навамаскоўскага раёна разам з «свабодаўцамі» і актывістамі «Бацькаўшчыны» заблакавалі адпраўку цягніка з байцамі 25 асобнай Днепрапятроўскай паветрана-дэсантнай брыгады ў Кіеў.
Аб гэтым карэспандэнту Укрінформ паведамілі ў прэс-службе Днепрапятроўскай абласной арганізацыі партыі «Бацькаўшчына».
«У пасажырскіх вагонах знаходзяцца каля 500 дэсантнікаў у поўнай амуніцыі з аўтаматамі. Ваеннаслужачых падвозяць у суправаджэнні ДАІ і міліцыі. Мы заблакавалі пуці і не даём цягніку з'ехаць», — паведаміў старшыня Навамаскоўскай арганізацыі «Бацькаўшчыны» Аляксандр Качаткоў.
Паводле яго слоў, каля дзесяці чалавек проста леглі на пуці.
Ён таксама пацвердзіў, што ДТЗ, у выніку якога трое вайскоўцаў загінулі і восем траўмаваныя, адбылося з вайскоўцамі, якіх везлі на гэты цягнік.
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам5
Каментары