30 сакавіка ў клюбе «JackClub» адбыўся другі выпуск беларускамоўнага гумарыстычнага шоў «Стэндап-Кавярня». У інтэрнэце зьявілася відэавэрсія шоў. Праект рэалізаваны групай «Stand-up Pro» пры падтрымцы «Арт Сядзібы».
Стэндап — адзін з найпапулярнейшых гумарыстычных жанраў у сьвеце, цяпер гучыць у Менску і па-беларуску.
18 лютага ў менскім стэйк-хаўсе «Newman» адбылася першая «Стэндап-Кавярня», якую наведала каля 200 чалавек, ўсе ахвотныя не змаглі знайсьці месцаў.
Комікі зь Менску, Берасьця, Гомля, Жодзіна і Слуцку заклалі пачатак новай культурніцкай зьявы ў Беларусі.
Глядзіце відэасюжэт зь першага выпуску шоў «Стэндап-Кавярня»:
Стэндап-шоў, у якім комікі ўздымаюць праблемы і вырашаюць іх гумарам, ужо стаў звыклай зьявай для Беларусі. Ужо год у Менску існуе і пасьпяхова разьвіваецца праект «Stand-up Pro», які аб’ядноўвае найбольш таленавітых і працавітых стэндапэраў нашай краіны. Менавіта ўдзельнікі гэтага праекту вырашылі прадэманстраваць, што глядзець на праблемы з гумарам можна і па-беларуску!
Наступны, ужо трэці выпуск беларускай «Стэндап-Кавярні» пройдзе 18 траўня ў менскім клюбе «JackClub».
Цяпер чытаюць
Лукашэнка: Што творыцца ў краіне, у нас усе гэтую гусь круцяць5
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары