Прэзідэнт ЗША Барак Абама выказаў глыбокае расчараванне ў сувязі з няздольнасцю Вашынгтона зрабіць хоць нейкія захады па абмежаванні абароту стралковай зброі.
Амерыканскаму грамадству, па словах прэзідэнта, час рабіць пераацэнку каштоўнасцей — для ўсіх ужо стала нормай тое, што адбываецца ў краіне гвалт. «Іншага такога месца ў свеце няма», — сказаў Абама, каментуючы трагедыю, што здарылася ў аўторак, калі загінуў вучань сярэдняй школы ў штаце Арэгон.
Ён падкрэсліў, што пакуль у свядомасці грамадства не наступяць змены, зброевае лобі будзе дамінаваць у кангрэсе ЗША. Прэзідэнт са шкадаваннем канстатаваў, што цяпер праз парламент немагчыма правесці нават нязначнае абмежаванне па гэтым пытанні, «і нам усім павінна быць сорамна за гэта».
У пачатку 2013 года Абама спрабаваў пераканаць кангрэс у неабходнасці ўвядзення абмежаванняў на валоданне зброяй, але гэтая спроба правалілася з-за ціску з боку лобі Нацыянальнай стралковай асацыяцыі.
Цяпер чытаюць
Памілаваны 15 палітвязняў, у тым ліку дзве сямейныя пары2
Каментары