У Мінску затрымалі мужчыну, які пагражаў адпачывальнікам у парку пнеўматычным пісталетам, паведаміла прэс-афіцэр Партызанскага РУУС Ганна Чыж-Літаш.
Затрыманне адбывалася ў лесапаркавай зоне па завулку Клумава. Убачыўшы патрульную машыну, мужчына кінуўся наўцёкі, але праз хвіліну супрацоўнікі міліцыі яго затрымалі. У руках у затрыманага знаходзіўся пнеўматычны пісталет.
Як высветлілася, 31-гадовы мужчына разам са сваёй маці адпачываў у парку і ўжываў спіртное. Неўзабаве да іх падышла сямейная пара і прапанавала пачаставацца рыбай.
Жанчына падзякавала мінакам і ўзяла пачастунак. Рэакцыя сына апынулася процілеглай. Яму прапанова здалася зневажальнай, ён стаў крычаць і дастаў пнеўматычны пісталет. Накіраваўшы зброю ў бок мінакоў і стрэліў. Сам ён распавядае, што ў пісталеце не было абоймы, і стрэлы былі халастыя. Перашкодзіць бядзе дапамагла маці дэбашыра, якая спрабавала спыніць сына.
Ужо ў міліцыі затрыманы распавёў, што пісталет у яго знаходзіцца каля паўгода і носіць ён яго з сабой выключна з мэтай самаабароны. Сваю віну мужчына прызнае, у зробленым раскайваецца.
Высветлілася, што літаральна некалькі дзён таму ён пасварыўся з жонкай і прыстаўляў пісталет да яе галавы, пагражаючы стрэліць.
Жанчына выклікала супрацоўнікаў міліцыі, але муж збег.
Свае ўчынкі мужчына апраўдвае тым, што знаходзіўся ў запоі пасля гадавой кадоўкі. -
Цяпер чытаюць
Брат Колі Лукашэнкі будуе фармацэўтычны комплекс за $10 мільёнаў10
Брат Колі Лукашэнкі будуе фармацэўтычны комплекс за $10 мільёнаў
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна1111
Каментары