Міністр замежных спраў Сяргей Лаўроў пералічыў саюзнікаў Расіі ў свеце. Паводле яго слоў, у іх лік уваходзяць члены арганізацыі Дамовы аб калектыўнай бяспецы [Беларусь —удзельніца АДКБ], партнёры Расіі па Еўразійскіх інтэграцыйных праектах, Шанхайская арганізацыя супрацоўніцтва, БРІКС.
Аб гэтым кіраўнік дыпламатычнага ведамства заявіў падчас сустрэчы з удзельнікамі Усерасійскага маладзёжнага форуму «Селігер-2014».
Пры гэтым міністр падкрэсліў, што Расія не бачыць нічога дрэннага ў тым, што яе саюзнікі па некаторых пытаннях прытрымліваюцца адрознага ад Масквы меркавання. «Вось, напрыклад, НАТА галасуе адзіным блокам заўсёды і ўсюды. А хто ў Расіі саюзнікі? У нас шмат саюзнікаў. І калі нам кажуць, што вось вашы саюзнікі па АДКБ не заўсёды галасуюць разам з Расіяй ва ўнісон, мы не робім з гэтага ніякай трагедыі. У адрозненне ад НАТА, дзе любы крок у бок, любая дэманстрацыя іншадумства не застаецца без пакарання», — адзначыў ён.
Таксама Лаўроў заявіў, што на Расію нападаюць больш чым на іншых, «праз што мы не саромеемся выказваць свой пункт гледжання».
Кіраўнік МЗС падкрэсліў, што Масква не зацікаўлена ў канфрантацыі з Захадам і «нагнятанні санкцыйнай спіралі».
«Магу толькі адзначыць, што задоўга да Украіны нападкі на Расійскую Федэрацыю сталі набываць зусім неадэкватны характар. Усё пачалося значна раней, чым вясной гэтага года», — падкрэсліў ён.
У якасці прыкладу кіраўнік МЗС прывёў сітуацыю ў Сірыі.
«Цяпер будзе цікава паслухаць людзей, якія казалі пра тое, што з Асадам больш справу мець не будзем, а сёння высвятляецца, што з ім воляй або няволяй давядзецца супрацоўнічаць, калі мы хочам перамагчы тэрарыстаў з «ісламскай дзяржавы»», — адзначыў ён.
У ліку іншага Лаўроў заявіў, што ЗША і Еўрасаюз аказваюць перашкоды дзеянням Расіі па спыненні сусветных пагроз.
-
Прэзідэнт Чэхіі: Трамп за некалькі тыдняў зрабіў больш для падрыву даверу да НАТА, чым Пуцін за многія гады
-
Стала вядома, на каго рыхтавала палітычны замах міжнародная група, затрыманая ў Грэцыі і Літве
-
Патрыярх Кірыл у красавіку павіншаваў вернікаў са святам, якое адзначаюць у студзені. І гэта не была агаворка
Цяпер чытаюць
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек4
Каментары