У апошнія гады вірусы грыпу ў Беларусі «паводзяць сябе не зусім па правілах», паведаміла на прэс-канферэнцыі 23 верасня ў Мінску кіраўнік Нацыянальнага цэнтра па грыпе, вядучы супрацоўнік Рэспубліканскага навукова-практычнага цэнтра эпідэміялогіі і мікрабіялогіі Наталля Грыбкова.
«Эпідэмічныя перыяды з уздымам захворвання чаргуюцца з вельмі спакойнымі гадамі, якім, напрыклад, у нас быў мінулы год. Гэта быў вельмі спакойны год, і ажыўленне цыркуляцыі грыпу мы назіралі вельмі позна — у красавіку—маі», — сказала яна.
Паводле слоў Грыбковай, з 1970-х гадоў у свеце адначасова цыркулявалі тры падтыпы віруса грыпу, аднак апошнім часам іх лік павялічыўся да чатырох. «На сённяшні дзень чалавек мае магчымасць заразіцца чатырма вірусамі грыпу», — растлумачыла яна.
Тым не менш, адзначыла Грыбкова, прапанаваныя ў Беларусі вакцыны з'яўляюцца трохвалентнымі і абараняюць ад трох падтыпаў віруса. Яна растлумачыла, што адзін з чатырох падтыпаў сёлета вельмі рэдка сустракаўся ў паўднёвым паўшар'і, дзе цяпер завяршаецца эпідэмічны сезон. «Сярод цыркулюючых вірусаў тыпу В пераважаюць прадстаўнікі ямагатскай эвалюцыйнай лініі. У мінулыя гады пераважала віктарыянская лінія, а цяпер яна адыходзіць на другі план і сустракаецца вельмі рэдка», — расказала Грыбкова.
У той жа час у свеце існуюць і чатырохвалентныя вакцыны ад грыпу, аднак, паводле меркавання спецыяліста, у Беларусі няма неабходнасці ў іх прымяненні. «Мяркуючы па этыялагічнай структуры цыркулюючых вірусаў, няма неабходнасці ў гэтай вакцыне, таму што вірусы віктарыянскай лініі цыркулявалі на працягу апошніх некалькіх гадоў і існуе так званы калектыўны імунітэт у людзей, якія перахварэлі гэтым вірусам», — адзначыла яна.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары