Міністр гандлю Беларусі Валянцін Чаканаў лічыць патрэбным забараніць у краіне рэкламу піва. Пра гэта ён паведаміў на пасяджэнні палаты прадстаўнікоў нацыянальнага сходу Беларусі.
Адказваючы на пытанне дэпутата Аксаны Няхайчык, ці не плануецца забараніць у краіне рэкламу піва, бо аб'ёмы яго спажывання, у тым ліку моладдзю, вялікія, а сам напой наносіць не меншы шкоды, чым алкагольныя напоі або тытунёвыя вырабы, кіраўнік ведамства адзначыў, што падтрымлівае гэту ініцыятыву.
«Маё асабістае меркаванне, нам трэба набліжацца ў гэтым плане да Расіі і трэба прызнаць піва алкагольным напоем. Калі мы гэта зробім, мы такім жа чынам можам унесці змены ў заканадаўства аб тым, што гэты напой будзе забаронена рэкламаваць, як іншыя алкагольныя напоі», — адзначыў Валянцін Чаканаў.
Міністр таксама паведаміў, што ў краіне ў гэтым кірунку ўжо зроблена многае. «Мы скарацілі час на рэкламу піва, прымаем значныя меры да парушальнікаў. Але трэба рухацца далей і прапаноўваць, каб рэклама піва была забароненая», - падкрэсліў кіраўнік ведамства.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары