У Беларусі створаны міжнародны грамадскі аргкамітэт па кананізацыі Францішка Скарыны. Яго ўзначаліў кандыдат гістарычных навук, былы міністр замежных справаў Беларусі Пятро Краўчанка. Сакратаром аргкамітэта стаў вядомы літаратуразнаўца, доктар філалагічных навук Адам Мальдзіс.
Як паведаміў БелаПАН Краўчанка, аргкамітэт рыхтуе аргументацыю на карысць кананізацыі Скарыны, якую затым перадасць прадстаўнікам грэка-каталіцкай царквы. «Свецкія асобы ў гэтым пытанні супрацоўнічаюць з прадстаўнікамі той канфесіі, якая больш за ўсё ў гэтым зацікаўлена, такімі сёння з'яўляюцца грэка-каталікі. Затым мы будзем хадайнічаць перад кангрэгацыяй Ватыкана, якая займаецца пытаннямі кананізацыі», - распавёў ён.
Па словах Краўчанкі, 20 гадоў таму ён прапаноўваў праваслаўнай царквы дапамагчы ў пытанні кананізацыі беларускага першадрукара. «Я асабіста некалькі разоў размаўляў на гэты конт з уладыкам Філарэтам, Прасіў яго хоць бы папярэдне разгледзець гэтае пытанне. Аднак справа не зварухнулася, бо праваслаўная царква, на жаль, разглядае Скарыну як ерэтыка, — адзначыў ён.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс2
Віктар Лукашэнка засвяціў на пасяджэнні НАК свой гадзіннік — цяжкі люкс
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю77
Каментары