У Празе з'явіліся білборды, на якіх Джамілеў папракае прэзідэнта Чэхіі
На вуліцах Прагі з'явіліся білборды з лідарам крымскіх татараў Мустафой Джамілевым, які папракае прэзідэнта Чэхіі Мілаша Земана.
Пад фота былога старшыні крымскага Меджліса прыводзіцца яго цытата, дзе Джамілеў папракае чэшскага лідэра за заклік змірыцца з акупацыяй Крыма.
«За выраз нязгоды з савецкай акупацыяй Чэхаславакіі ў 1968 годзе я адседзеў у турме тры гады. Цяпер прэзідэнт Чэхіі заклікае змірыцца з анексіяй Крыма Расіяй», — напісана на білбордах.
Паводле сведчанняў відавочцаў, пяць плакатаў і адзін электронны экран размешчаныя ў бачных месцах горада.
Земан з'яўляецца адным з найбольш па-прарасейску настроеных кіраўнікоў дзяржаў у Еўрасаюзе. Ён вядомы тым, што называў падзеі ў Украіне «грамадзянскай вайной», а Майдан — «логавам бандэраўцаў».
Акрамя таго, ён адмаўляе факт расійскага ўварвання ў Украіну. Мясцовыя СМІ паведамлялі, што ён атрымліваў прэферэнцыі ад бізнэсу, набліжанага да Пуціна.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары