У Мінску паставілі спектакль «Чорт і баба» няіснага тэатру «Дзе-Я?»
«Чорт і баба». Упершыню за 14 гадоў на сцэне Камернага драматычнага тэатру.
У памяць пра мастацкага кіраўніка тэатру «Дзе-Я?» Міколу Трухана на ўгодкі ягонай смерці спектакль уваскрэс на сцэне — наўпрост з 1999-га, калі яго апошні раз паказалі публіцы.
«Ёсць прафесійныя рэжысёры, таленавітыя, а ёсць рэжысёры-мастакі. Яны шукаюць тое, чаго ніхто яшчэ не рабіў, нешта сваё. Мікола Трухан быў нам як настаўнік, як тата, ён недзе ў сэрцы так засеў, што прайшло 15 гадоў, як яго няма, а памяць ёсць», — расказвае актор Генадзь Гатоўчыц.
Спектакль у пастаноўцы рэжысёра Віталя Баркоўскага адказвае на найбольш важныя пытанні: ці ёсць д'ябал, і ці ёсць д'ябал у нас саміх?
«Мы лічым, што гэты спектакль вечны, што ён пра каханне, пра здраду, пра людзей, пра іх адносіны, пра тое, што такое мы — беларусы, пра нашае жыццё», — лічыць акторка Таццяна Папова.
Камедыя з няпростымі пытаннямі між радкоў паўстала ў тэатры «Дзе-Я?», рэпертуар гэтага тэатру складалі творы беларускіх і замежных пісьменнікаў, а ўсе інсцэнізацыі ішлі па-беларуску. З 2004-га тэатр перайменавалі ў Новы драматычны тэатр. Разам з назваю пайшла ў нябыт і канцэпцыя, цяпер большасць дзеяў тут – па-расійску.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Цяпер чытаюць
23‑гадовы ахоўнік з Астраўца загінуў за Расію на вайне. Паваяваў ён, відаць, каля месяца17
Каментары