Прэзідэнт Расіі распавёў, што ў лютым мінулага года ўлады краіны правялі спецыяльную аперацыю па вяртанні Крыма ў склад РФ.
itar-tass.com
Некаторыя падрабязнасці аперацыі ён выказаў у фільме «Шлях на Радзіму», які выйдзе ў эфіры тэлеканала «Россия 1».
Увечары 8 сакавіка ў эфіры «Росcии» быў паказаны анонс фільма, дзе Пуцін распавёў, што ў ноч на 23 лютага 2014 г. правёў нараду з кіраўнікамі спецслужбаў і міністэрства абароны, на якой «паставіў перад імі задачу выратаваць жыццё прэзідэнта Украіны», якога, па яго думку, «проста знішчылі б».
Прэзідэнт запэўніў, што расійскія спецслужбы гатовыя былі «выняць» Віктара Януковіча «проста з Данецка, па сушы, па моры і з паветра».
Для выратавання прэзідэнта Украіны сілавікі хацелі выкарыстоўваць буйнакаліберныя кулямёты, «каб доўга не размаўляць», распавёў Пуцін.
«Мы скончылі каля сямі гадзін раніцы. І на развітанне, я ўсім калегам сказаў: мы вымушаны пачаць працу па вяртанні Крыма ў склад Расіі», — сказаў Уладзімір Пуцін.
Падрабязнасці самай спецаперацыі ў анонсе прэзідэнт Расіі не раскрыў.
Фільм «Шлях на Радзіму», як паведамляецца, выйдзе «хутка».
У канцы лютага Пуцін назваў заявы Украіны аб планах па вяртанні Крыма ў свой склад праявай рэваншызму.
«Што тычыцца вяртання нейкіх тэрыторый, то гэта такія рэчы рэваншысцкага характару, і справа не ў вяртанні нейкіх тэрыторый некуды», — сказаў ён. Ён таксама нагадаў свае словы пра тое, што «Крым як быў, так і застанецца і рускім, і ўкраінскім, і крымскататарскім, і грэчаскім (там жа і грэкі жывуць), і нямецкім — ён будзе домам для ўсіх гэтых народаў». «Што тычыцца дзяржаўнай прыналежнасці, то людзі, якія пражываюць у Крыме, зрабілі свой выбар, да яго трэба ставіцца з павагай, і па-іншаму Расія да гэтага ставіцца не можа», — падкрэсліў прэзідэнт Расіі.
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары