Падчас выбуху на абаронным хімзаводзе ў Падмаскоўі загінулі як мінімум сем чалавек
Расійскія чыноўнікі і прапагандысты сцвярджаюць, што прычынай здарэння стала не атака ўкраінскіх беспілотнікаў, а тэхнічная аварыя.
Завод уваходзіць у склад расійскай дзяржкарпарацыі «Растэх» і сярод іншага займаецца вытворчасцю прадукцыі вайсковага прызначэння.
Прадпрыемства выпускае патроны для гладкаствольных стрэльбаў калібраў 12, 16, 20 і 410, а таксама сігнальныя і асвятляльныя сродкі, сродкі абароны лятальных апаратаў і антытэрарыстычныя сродкі, якія вырабляюцца паводле дзяржаўных заказаў для расійскіх сілавых структур. Акрамя таго, па інфармацыі «Украінскай праўды», на заводзе вырабляюцца тэрмабарычныя баявыя часткі для беспілотнікаў тыпу «Шахед».
Прадпрыемства знаходзіцца прыкладна за 100 кіламетраў ад Істры, дзе ў гэты момант на пленарным пасяджэнні дыскусійнага клуба «Валдай» выступаў прэзідэнт Расіі Уладзімір Пуцін.
Першыя паведамленні пра выбух пачалі з'яўляцца пасля 18:30. Каля 20:30 у раёне завода зноў былі чуваць выбухі, паведамляў MSK1.RU са спасылкай на мясцовых жыхароў.
Кіраўнік горада Сергіеў Пасад Аляксей Лужэцкі заявіў, што выбух не быў звязаны з атакай беспілотнікаў. ТАСС са спасылкай на аператыўныя службы таксама паведаміла, што прычынай пажару стала тэхнагенная аварыя.
Паводле інфармацыі тэлеграм-канала Shot, выбух адбыўся ў цэху №4, які цалкам разбурыўся. У момант здарэння ў будынку знаходзіліся 44 чалавекі. 40 з іх эвакуявалі. Паводле агенцтва «РИА Новости», яшчэ чатыры чалавекі маглі заставацца пад заваламі.
У 2025 годзе гэты завод двойчы атакавалі ўкраінскія беспілотнікі — у студзені і ліпені. Пра пацярпелых у выніку гэтых атак не паведамлялася.
Калі інфармацыя пра сем загінулых пацвердзіцца, гэты выбух можа стаць адным з найбольш смяротных на прадпрыемствах Маскоўскага рэгіёна за апошнія гады. У жніўні 2023 года на тэрыторыі Загорскага оптыка-механічнага завода ў Сергіевым Пасадзе адбыўся выбух, у выніку якога загінулі дзевяць чалавек і больш за 100 атрымалі траўмы.
Вялікі слуп дыму падымаецца над Красназаводскам Маскоўскай вобласці. Гарыць хімічны завод ВІДЭА
Праз пагрозу дронаў перастаў хадзіць аўтобус з Навазыбкава ў Гомель
Дрон трапіў па прапускным пункце на беларуска-расійскай мяжы. Ужо не першы раз
Украіна пашкодзіла пяць цэхаў на заводзе па вытворчасці кампанентаў для «Арэшніка» і іншых ракет
Той самы масажыст расказаў, навошта здымаў голых кліентак2
Каментары