Урад Украіны не будзе адмяняць святкаванне Дня Перамогі 9 мая. Пра гэта на брыфінгу заявіў віцэ-прэм'ер-міністр — міністр культуры Украіны Вячаслаў Кірыленка.
«Урад не будзе адмяняць 9 мая як Дзень Перамогі. У той жа час, урад прапануе да 9 мая таксама належным чынам адзначаць і дзень 8 мая, як гэта робіцца ва ўсёй Еўропе… Урачыстыя і мемарыяльныя мерапрыемствы ва Украіне будуць адбывацца і 8, і 9 мая», — падкрэсліў Кірыленка.
«Падкрэсліваю, што ніякіх намераў адмяняць святочны выхадны дзень 9 мая ўрад Украіны не мае», — запэўніў Кірыленка.
Раней група народных дэпутатаў зарэгістравала ў Радзе законапраект адносна святкавання 8 мая Дня памяці і прымірэння. Ініцыятарамі законапраекта выступілі Ігар Масійчук, Юлія Цімашэнка, Ігар Луцэнка, Барыс Тарасюк, Барыс Філатаў, Уладзімір Парасюк, Міхаіл Гаўрылюк ды інш.
Расійская Дзярждума паспела выказаць пратэст з гэтай нагоды.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1
Каментары