Юрый Шульган, «кандыдат-дармаед», застаецца загадкавай фігурай.
Узяць удзел у прэзідэнцкіх выбарах у 2015 годзе плануе Юрый Шульган, «кандыдат-дармаед». Альбо, як ён сам сябе называе, «дармаед у дэкрэце». Аб яго сур’ёзных намерах сведчыць падтрымка Партыі Зялёных.
Шульган ужо 15 год афіцыйна нідзе не працуе. Звязацца з ім немагчыма. Як паведаміў нам лідар Зялёных Алег Новікаў, «кандыдат-дармаед» не мае і тэлефона.
Біяграфія кандыдата на сайце shulgan.org утрымлівае толькі адно слова: «Нарадзіўся …».
З архіваў праваабаронцаў вядома, што нехта Юрый Шульган з Брэста быў 24 верасня 2000 года затрыманы і жорстка збіты супрацоўнікамі міліцыі Маскоўскага раёна горада Мінска падчас перформансу «Акупацыя», што ладзіла Федэрацыя анархістаў Беларусі.
Як кажуць Зялёныя ў прэс-рэлізе, ўзяць удзел у выбарах Шульгана стымуляваў дэкрэт аб дармаедах — маўляў, трэба працаўладкавацца на пасаду прэзідэнта.
«Мая кампанія ў тым ліку закліканая пераканаць кожнага дармаеда, што ён можа знайсці сваё працоўнае месца пад сонцам і ўліцца ў армію падаткаплацельшчыкаў», — кажа ён.
Партыя Зялёных у Беларусі аб'ядноўвае пераважна анархістаў і лявацкіх актывістаў. Рэальнай палітычнай дзейнасці не вядзе.
Чытайце таксама:
Гэндальф — кандыдат на прэзыдэнцкія выбары-2015 ад інтэрнэт-актывістаў
АГП пачала фарміраваць ініцыятыўную групу па вылучэнні Статкевіча кандыдатам у прэзідэнты
Гайдукевіч: Найлепшы спарынг-партнёр для Лукашэнкі — невядомы кандыдат ад апазіцыі
Партыя БНФ: Найлепшым кандыдатам на выбарах-2015 быў бы Мілінкевіч
Партыя БНФ падтрымала вылучэнне Караткевіч у кандыдаты ў прэзідэнты
«Справядлівы свет» плануе вылучыць Калякіна кандыдатам у прэзідэнты
Герой Беларусі Марына Васілеўская нарадзіла дачку ад касманаўта Алега Навіцкага16
Каментары