Tor атрымаў абнаўленне з рэжымам максімальнай бяспекі
Ананімны браўзер мелі заблакаваць у Беларусі, але ён пакуль працуе.
Браўзер Tor атрымаў вялікае абнаўленне да версіі 4.5, распавядаюць распрацоўшчыкі ў блогу Tor Project.
Галоўная навінка ў браўзеры — меню наладаў узроўню бяспекі. Мінімальны ўзровень блакуе толькі найбольш «дзіравыя» функцыі, праз якія можна дэананімізаваць карыстальніка. Максімальны блакуе нават знешнія шрыфты і ўсе відэакодэкі апроч WebM.
У асноўным меню цяпер можна праглядзець ланцужок вузлоў, праз якія праходзіць трафік, каб стаць ананімным. Удалы ланцужок можна захаваць для наведвання старонкі.
Таксама браўзер атрымаў шэраг абнаўленняў і «заплатак» па частцы бяспекі. У іх ліку новы транспарт трафіку obfs4, які, па словах распрацоўшчыкаў, не паддасца нават кітайскім цэнзарам, а таксама абарона ад сачэння за карыстальнікам праз кнопку «Like» сацсетка Facebook.
Згодна з пастановай ААЦ Мінсувязі мела заблакаваць сродкі ананімнасці ў інтэрнэце. Tor уваходзіць у адзін з пяці найбольш папулярных шляхоў доступу да заблакаваных сайтаў. На думку экспертаў, блакаванне Tor тэхнічна складанае і немэтазгоднае. На момант публікацыі Tor не быў заблакаваны.
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары