Расійскі музыка Андрэй Макарэвіч упэўнены, што не дажыве да таго моманту, калі Расія стане такой, якой ён хацеў бы яе бачыць.
Пра гэта музыкант сказаў у інтэрв'ю выданню «Delfi».
Макарэвіч — адзін з нямногіх расійскіх культурных дзеячаў, якія адкрыта выказваюць сваё меркаванне наконт улады і Пуціна ў прыватнасці. Артыст не хавае, што не лічыць цяперашняга прэзідэнта Расіі годным лідарам.
На пытанне, што за апошні год змянілася ў яго краіне, музыка адзначыў:
«Грамадства азвярэла, зроблена гэта вельмі прафесійна з дапамогай тэлебачання.
У сувязі з гэтым я не разумею адно: напампоўка па ТБ ідзе такая, што нібы заўтра мы ўсе маршыруем ваяваць. Вельмі спадзяюся, што кіраўніцтва нашай краіны разумее, што ваяваць цяпер ні з кім не трэба — ні з Еўропай, ні з Амерыкай. Нават з Украінай. І наогул на нас ніхто не нападае. Навошта тады гэтая штодзённая напампоўка нянавісці да ўсяго свету?»
Пра эміграцыю артыст не думае, пра ўступленне ў апазіцыю — таксама.
«Эміграваць — не. Апазіцыя — гэта што? Прафесійныя барацьбіты? Не маё.
Шмат разоў казаў і паўтару: прэзідэнт — гэта не цар і не бог, гэта адміністрацыйная адзінка накшталт домакіраўніка.
І калі ў доме, які яго абраў, жыццё паляпшаецца, яму апладзіруюць. А вось калі ўсё ідзе ў *опу, яго пераабіраюць. І мяркуючы па тым, куды з дапамогай цяперашняга прэзідэнта ўсё коціцца — праблем з перавыбраннем будзе няшмат», — сказаў Макарэвіч.
Таксама, на думку музыкі, не будзе праблем з інфармацыйнай вайной.
«Здуюцца. Яны не ўлічылі здольнасць людзей да супрацьстаяння псіхічнай дэфармацыі. Лекі працуюць, пакуль кожны дзень таблетачкі прымаеш. А потым — усё!» — упэўнены ён.
На пытанне, якой ён бы хацеў бачыць Расію, Макарэвіч з сумнай усмешкай адказаў:
«Якой я яе ніколі не пабачу — паспяховай, гасціннай, развітой… Не дажыву».
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА15
Каментары