Кітай збудуе тэлескоп памерам з мінскі парк Горкага
Цана пытання — 100 млн даляраў.
Кітайскія інжынеры пачалі ў правінцыі Гуйчжоў мантаж радыётэлескопа FAST, паведамляе «Сіньхуа». Работы былі распачатыя яшчэ ў 2011 годзе. Калі будаўніцтва завершыцца ў 2016 годзе, FAST стане найвялікшым радыётэлескопам свету.
Апертура тэлескопа складзе 500 метраў, ён будзе складацца з 4450 трохвугольных рухомых панэлей з гранню ў 11 метраў. Каб абысці яго па перыметры, спатрэбіцца 40 хвілін.
Ён будуецца між трыма гарамі. Гіганцкая «талерка» будзе падвешаная над зямлёй на тысячы апорных слупоў. Ён зойме плошчу ў 30 футбольных палёў — амаль столькі ж, колькі займае парк Горкага ў Мінску. Праект ацэньваецца ў 100 млн даляраў.
Яго бліжэйшы сабрат — абсерваторыя Арэсіба, 300-метровы радыётэлескоп у Пуэрта-Рыка. Ён, сярод іншага, дапамог пацвердзіць існаванне нейтронных зорак, знайшоў першы двайны пульсар, а таксама пульсар, што круціцца з хуткасцю 642 абароты на секунду, даў штуршок да знаходжання першых экзапланет ды праслухоўвае космас на прадмет сігналаў ад іншых цывілізацый у межах праекту SETI.
Кітайскі тэлескоп не толькі гіганцкі, але і звышчуйны. Яго панэлі можна паварочваць з дакладнасцю ў міліметр. Ад яго можна чакаць нават больш цікавых адкрыццяў, чым ад Арэсіба і іншых сучасных радыётэлескопаў.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае19
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары