Інфармацыйны цэнтр на прэзідэнцкіх выбарах будзе працаваць з 10 па 12 кастрычніка ў Палацы Рэспублікі, паведаміў сакратар ЦВК Мікалай Лазавік 6 жніўня на пасяджэнні Цэнтральнай камісіі.
Паводле яго слоў, інфармацыйны цэнтр ствараецца традыцыйна, яго галоўная задача — «аператыўна і аб'ектыўна інфармаваць міжнародных назіральнікаў і сродкі масавай інфармацыі пра кандыдатаў у прэзідэнты, ход і вынікі галасавання».
11 кастрычніка, у асноўны дзень галасавання, першая прэс-канферэнцыя кіраўніцтва ЦВК адбудзецца ў 10.00, затым яны будуць праходзіць кожныя дзве гадзіны да 20.00. Выніковая прэс-канферэнцыя адбудзецца 12 кастрычніка ў 11.00.
Доступ у інфармацыйны цэнтр для прадстаўнікоў беларускіх СМІ будзе ажыццяўляцца на падставе акрэдытацыйных пасведчанняў, выдадзеных Нацыянальным прэс-цэнтрам, замежных СМІ — на падставе акрэдытацыйных пасведчанняў, выдадзеных МЗС.
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2727
Каментары