7 жніўня каля 19:00 каля вёскі Вароны Віцебскага раёна адбылося дарожна-транспартнае здарэнне з удзелам легкавога і грузавога аўтамабіляў.
У выніку ДТЗ кіроўца легкавіка загінула, і яе цела прыйшлося выцягваць з дэфармаванага салона ратавальнікам, паведамляе прэс-служба МНС.
У сацыяльных сетках відавочцы пішуць, што за рулём легкавога «Renault» знаходзілася 47-гадовая жанчына, якая не прапусціла фуру, выязджаючы з другараднай дарогі.
МНС папярэджвае, што, у сувязі анамальна гарачым надвор'ем, варта па магчымасці абмежаваць працяглыя паездкі на аўтамабілі, а калі такой магчымасці няма, быць максімальна ўважлівымі на дарозе, бо праз высокую тэмпературу можа пагоршыцца самаадчуванне, адбыцца рассейванне ўвагі і зніжэнне рэакцыі.
Каментары