Учора адбылася такая значная падзея ў каталікоў, як тэлемост з Ватыканам.
Учора адбылася такая значная падзея ў каталікоў, як тэлемост з Ватыканам. Як паведамляецца, маладыя людзі пасьля заканчэньня тэлемосту засталіся маліцца ў саборы усю ноч… Аб розным яны прасілі Бога. Сярод клопатаў каталіцкай моладзі, як паведамляе партал catholic.by, ёсьць і пажаданьне, як“паўнацэнна жыць вераю ў сваіх навучальных установах, каб ператвараць іх у асяродкі адкрытага абмену думкамі на тэму веры і розуму, а таксама экумэнічнага дыялёг паміж каталікамі і праваслаўнымі, які можа быць асабліва плённым менавіта ў Беларусі, дзе здаўна суіснуюць Усходняя і Заходняя хрысьціянскія традыцыі”.
І ня толькі моладзь… Мітрапаліт Тадэвуш Кандрусевіч пастаянна паўтарае, што сярод ягоных прыярытэтаў адзін з самых галоўных – пашырэньне супрацоўніцтва і узаемапаразуменьня з праваслаўнай царквой. Як да гэтага падступіцца? Пакуль ня бачна нічога больш, як супрацоўніцтва ў галіне СНІДУ… Яно, канешне, важная праблема, але мне не здаецца вельмі пэрспэктыўным гэты напрамак… Толькі што па прынцыпу “лепш што-небудзь, чым нічога”…
А між іншым нібыта Сам Бог падказвае, з чаго лепш пачынаць… Сёньня, адразу пасьля каталіцкага тэлемосту, праваслаўная царква шануе памяць сьвятога Льва Вялікага, папы Рымскага.
Вядома, што перш за усё праваслаўные шануюць сьвятога Льва за ягоную важную ролю ў перамозе над ерасьсю манафізыцтва ў 5-м стагодзьдзі. Але, зь іншага боку, каталікі яго ведаюць як аднаго з першых айцоў Царквы, хто сфармуляваў вучэньне аб прымаце Рымскай царквы… Як раз адно з самых балючых, калі ня самае балючае пытаньне праваслаўна-каталіцкага дыялёг… І можа, калі на яго паглядзець з пункту гледжаньня агульнага сьвятога, будзе больш шансаў знайсьці нешта агульнае, ўзаемапаразумелае і ў гэтым пытаньні?
І такіх агульных сьвятых шмат – адзіная царква існавала на працягу цэлага тысячагодзьдзя. Вось з гэтага, здаецца, і трэба пачынаць – з агульных сьвятых, з агульнай сьвятасьці…
Каментары