Медыкі папярэджваюць пра небяспеку недасмажаных шашлыкоў
Санітарна-эпідэміялагічная служба Мінска ацэньвае сітуацыю па захворванні вострымі кішачнымі і энтэравіруснымі інфекцыямі ў сталіцы як «стабільную і характэрную для гэтага перыяду».
«Групавых выпадкаў не зарэгістравана, аднак сезонны ўздым захворвання не выключаецца: цёплае надвор`е стварае спрыяльныя ўмовы для жыццядзейнасці мікраарганізмаў», — паведамляе санслужба.
Пры гэтым медыкі нагадваюць, што інфекцыя можа перадавацца харчовым, кантактна-бытавым і водным шляхам — праз забруджаныя бактэрыямі і вірусамі прадукты харчавання, ваду, навакольнае асяроддзе.
Паводле даных эпідэміёлагаў, у апошнія тыдні найболей частай прычынай развіцця вострых кішачных інфекцый з`яўлялася ўжыванне недастаткова прасмажаных шашлыкоў, скорапсавальных прадуктаў, якія захоўваліся без халадзільніка, а таксама вады з адкрытых крыніц.
Да інфекцыі можа таксама прывесці ўжыванне нямытай ці дрэнна вымытай агародніны і садавіны, парушэнне ўмоў захоўвання скорапсавальных прадуктаў, невыкананне тэхналогіі падрыхтоўкі мясных прадуктаў, ужыванне сырых ці дрэнна прыгатаваных яек, а таксама ўжыванне малочных, рыбных, мясных прадуктаў, набытых у месцах несанкцыянаванага гандлю.
Маленькія дзеці могуць заразіцца таксама пры заглынанні вады падчас купання ў вадаёмах.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары