У гэтыя выхадныя дні ў Беларусі будзе ўмерана цёплае надвор'е з навальніцамі і моцнымі дажджамі, паведаміў начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджання і маніторынгу навакольнага асяроддзя Дзмітрый Рабаў.
«У выхадныя дні надвор'е ў краіне ў асноўным будуць фарміраваць атмасферныя франты, якія рушаць з паўднёвага захаду Еўропы і падзеляць краіну на два лагеры: халадней на паўночным захадзе і па-ранейшаму больш цяплей па паўднёвым усходзе», — паведаміў сіноптык.
У суботу на большай частцы тэрыторыі кароткачасовыя дажджы, у асобных раёнах навальніцы, моцныя дажджы. Тэмпература паветра ноччу плюс 10—16°С, па паўднёвым усходзе да плюс 18°С, днём плюс 16—23°С, па паўднёвым усходзе плюс 24—29°С. У Мінску воблачна з праясненнямі, кароткачасовыя дажджы, магчымая навальніца. Вецер пераменных напрамкаў ноччу слабы, днём 3—8 м/с, пры навальніцы парывы да 14 м/с. Тэмпература паветра ноччу плюс 13—15°С, днём плюс 16—18°С.
У нядзелю пераважна па паўднёва-ўсходняй палове краіны кароткачасовыя дажджы, месцамі моцныя. У асобных раёнах навальніцы. Тэмпература паветра ноччу плюс 7—14°С, па паўднёвым усходзе да плюс 16°С, днём плюс 15—22°С, па паўднёвым усходзе Гомельскай вобласці плюс 23—26°С. У Мінску воблачна з праясненнямі, кароткачасовы дождж. Тэмпература паветра ноччу плюс 10—12°С, днём плюс 16—18°С.
Рабаў зазначыў, што ў пачатку наступнага тыдня значная частка краіны будзе знаходзіцца ў полі паніжанага атмасфернага ціску, сфарміраваным у паветранай масе ўмераных шыротаў, і толькі на паўднёвым усходзе Беларусі захаваецца ўплыў больш цёплага паветра паўднёвых шыротаў.
У панядзелак месцамі кароткачасовыя дажджы, у асобных раёнах навальніцы. Тэмпература паветра ноччу плюс 8—15°С, днём плюс 15—22°С, па паўднёвым усходзе да плюс 25°С. У Мінску воблачна з праясненнямі, кароткачасовы дождж. Тэмпература паветра ноччу плюс 12—14°С, днём плюс 15—17°С.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім17
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3636
Каментары