У Парыж прыбываюць лідары краін свету для ўдзелу ў Канфэрэнцыі ААН па змене клімату ФОТА
У Парыж у нядзелю прыбываць лідары краін сьвету для ўдзелу ў Канфэрэнцыі ААН па змене клімату. Парыжскі саміт — найбуйнейшы падобны форум ад часоў прыняцця Кіёцкага пратаколу.
Прэм'ер-міністр Канады Жустэн Трудо і прэзідэнт Францыі Франсуа Алянд сустрэліся ў Елісейскім палацы ў Парыжы ў нядзелю, 29 лістапада. Фота AP
Форум працягнецца ў францускай сталіцы з 30 лістапада па 11 сьнежня.
Чакаецца, што ўсяго ў Парыж у нядзелю і панядзелак прыбудзе больш за 140 лідэраў, у тым ліку прэзыдэнт ЗША Барак Абама, канцлер Нямеччыны Ангела Мэркель, прэзыдэнт Расеі Ўладзімір Пуцін.
Галоўная тэма абмеркаваньня — аб’яднаньне намаганьняў для запаволеньня зьменаў, выкліканых глябальным пацяпленьнем, у прыватнасьці — дасягненьне кансэнсусу па доўгатэрміновай стратэгіі па гэтым пытаньні.
Напярэдадні канфэрэнцыі Беларусь заявіла, што падтрымлівае калектыўныя намаганьні па дасягненьню асноўнага арыенціра стагодзьдзя — недапушчэньня павышэньня сярэднесусьветнай тэмпэратуры больш чым на 2 градусы Цэльсія ў параўнаньні з даіндустрыяльным пэрыядам. Беларусь узяла на сябе абавязацельства забясьпечыць да 2030 году скарачэньне выкідаў парніковых газаў ня менш чым на 28% ад узроўню выкідаў 1990 году.
У склад беларускай дэлегацыі на канфэрэнцыі ўваходзяць прадстаўнікі Мінпрыроды, Міністэрства замежных спраў, беларускай амбасады ў Францыі, нацыянальныя экспэрты ў пытаньнях зьмены клімату, прадстаўнікі няўрадавых арганізацый.
29 лістапада ў Парыжы заплянавана сустрэча генэральнага сакратара ААН Пан Гі Муна з прэзыдэнтам Францыі Франсуа Аляндам.
На канфэрэнцыі ў Парыжы ўзмоцняць меры бясьпекі — улічваючы тэракты, што адбыліся ў францускай сталіцы 13 лістапада. Тады ў выніку нападаў радыкальных ісламістаў загінулі 130 чалавек.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары