Смажаныя каштаны з'явіліся ў продажы ў Мінску ФОТА
Каля Палаца спорту на Нямізе ўжо як месяц стаіць маленькі цягнічок, дзе прадаюць смажаныя каштаны. Журналісты «НН» схадзілі і паспрабавалі на смак дзіўны далікатэс.
У меню ёсць толькі каштаны з Італіі, а кошт залежыць ад порцыі: 5 каштанаў — 40 тысяч, 10 каштанаў — 60 тысяч.
«Безумоўна, гэтыя каштаны адрозніваюцца ад звычайных. Ні ў якім разе не спрабуйце смажыць і есці беларускія конскія каштаны. Яны ж атрутныя», — кажа прадавачка.
Па яе словах, у асноўным пакаштаваць італьянскі далікатэс прыходзяць журналісты. Сорт італьянскіх каштанаў — Castánea satíva (каштан пасяўны). Арэх гэтага каштана вельмі пажыўны. Ва ўсходніх краінах з яго робяць муку, сушаць, вэндзяць, гатуюць розныя стравы.
Усе, хто пакаштаваў, не могуць прыйсці да адзінага меркавання аб смаку. Хтосьці кажа, што падобны да звычайных арэхаў, камусьці нагадвае бульбу.
Чалы: Чым даўжэй Лукашэнка марудзіць з выбарамі, тым больш аргументаў, каб яму не ісці15
Каментары