У сургуцкай калоніі зэк-беларус праз тэлефон ашукаў расіян на 3 млн расійскіх рублёў
Тэлефонны махляр са студзеня па травень 2015 года скрадаў грошы ў пермскіх пенсіянераў. Яго ахвярамі сталі 46 чалавек, а здабыў ён пры гэтым больш за 3 мільёны расійскіх рублёў.
Як паведамляе sitv.ru, злачынцам аказаўся беларус, які ў гэты час адбываў пакаранне за асабліва цяжкія злачынствы ў сургуцкай калоніі №11. Ён тэлефанаваў пенсіянерам і, скажаючы свой голас, называўся следчым. Мужчына паведамляў ім заведама ілжывую інфармацыю, быццам іх блізкія ўчынілі злачынствы. За спыненне крымінальнага пераследу ён патрабаваў ад 5 да 400 тысяч расійскіх рублёў. Пацярпелыя пераводзілі запатрабаваную суму на QIWI-кашалёк.
Дарэчы, тэлефанаваў зняволены з мабільніка, што забаронена ў рэжымнай установе.
Суд прызначыў зламысніку 11 гадоў калоніі асаблівага рэжыму за замах на махлярства і махлярства, учыненае з прычыненнем значнага і буйнога ўрону. Ён прысуджаны да штрафу ў 100 тысяч расійскіх рублёў. Акрамя таго, ён павінен выплаціць усе грошы, атрыманыя ад пацярпелых.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім6
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары