Ударным канцэртам у Мінску амерыканскі рок-гурт Imagine Dragons працягвае еўрапейскую частку сусветнага турнэ Smoke + Mirrors, якое 22 студзеня прывяло уладальнікаў «Грэмі-2014» у Беларусь.
Менавіта з гэтым шоў Imagine Dragons праехалі летам па ЗША, а ўсяго пару месяцаў таму сабралі аншлагі ва ўсёй Еўропе. Поўныя залы ў адзін голас падпявалі хітам Radioactive, Demons, On Top Of The World.
Доўгачаканае выступленне ў Мінску рок-групы пачалося а 20.30 (замест запланаваных 19.00) праз спазненне грузавікоў са сцэнічным абсталяваннем. Аўтакалоне па дарозе з Будапешта, дзе гурт даваў папярэдні канцэрт, перашкодзілі ўмовы надвор'я. Самі музыкі прыляцелі ў Мінск прамым рэйсам авіякампаніі «Белавія», піша БелаПАН.
Саліст Imagine Dragons Дэн Рейнолдс са сцэны падзяліўся з фанатамі радаснай навіной — 21 студзеня ў гітарыста гурта Уэйна Сэрмана нарадзіўся сын. Шчаслівы тата мог бы з'ехаць у Каліфорнію, але падвесці фанатаў проста не мог, таму гурт выступаў у поўным складзе, адзначае БелТА.
Сучасны гук, відовішчныя светлавыя і спецэфекты, частка з якіх была распрацавана спецыяльна для Imagine Dragons, сабралі захопленыя водгукі ў публікі, піша TUT.BY. «Гэта быў выдатны канцэрт. Мяне сапраўды парадаваў гук, ён быў, бадай, лепшым за ўсе канцэрты, на якія я хадзіла. Хлопцы выклаліся на 100%», — вось адзін са шматлікіх запісаў у сацсетках.
«Дзякуй Мінск, вы ўсё цудоўныя», — напісаў у адказ у сваім Твітары барабаншчык Дэніэл Платцман.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары