Ліміт «22 еўра — пасылка, 300 — увоз» ўступіць у сілу 14 красавіка
Прычынай узмацнення жорсткасці лімітаў бяспошліннага ўвозу тавараў з'явілася значнае павелічэнне аб'ёмаў увозу тавараў у камерцыйных маштабах у адрас фізічных асоб без выплаты мытных плацяжоў.
Пра гэта распавёў намеснік старшыні Дзяржаўнага мытнага камітэта Беларусі Уладзімір Арлоўскі ў праграме «Контуры» на тэлеканале АНТ.
Прадстаўнік ДМК прывёў статыстыку аб'ёмаў увезеных у Беларусь міжнародных паштовых адпраўленняў.
«90% жыхароў Беларусі не атрымліваюць пасылкі. Больш за 250 тысяч беларусаў атрымлівалі каля 10 пасылак у год, а 2,5 тысячы беларусаў — больш за 100», — адзначыў ён.
Арлоўскі таксама падкрэсліў, што ліміт «22 еўра — пасылка, 300 — ўвоз» аналагічны норме, якая прымяняецца ў шэрагу дзяржаў — членаў Еўрасаюза. «Гэта практыка ў Еўрасаюзе. У большасці краін ЕС усталявалі нормы ў 22 еўра для бяспошліннага ўвозу ў таварах, што перамяшчаюцца пры дапамозе міжнародных паштовых адпраўленняў. Гэта такія краіны як Германія, Італія, Чэхія. Больш за тое, ёсць нормы больш жорсткія — у Кітаі ўсяго 7 еўра. У асобных краінах — Францыі, Швецыі наогул няма бяспошліннага ўвозу, любая пасылка мае на ўвазе выплату падатку», — падкрэсліў ён.
Намеснік старшыні Дзяржпагранкамітэта таксама агучыў дату, калі ўказ прэзідэнта № 40 ад 11 лютага 2016 года ўступіць у сілу.
«Гэта адбудзецца 14 красавіка гэтага года», - распавёў ён. Ён адзначыў, што двухмесячны тэрмін паміж апублікаваннем ўказа і уступленнем яго ў сілу зроблены для таго, каб беларусы змаглі без выплаты пошлін атрымаць замоўленыя тавары.
***
Нагадаем, указам № 40 ўстаноўлена зніжэнне нормы бяспошліннага ўвозу тавараў для асабістага карыстання, якія перасылаюцца ў міжнародных паштовых адпраўленнях і (або) экспрэс-грузах у адрас аднаго атрымальніка, з 200 еўра і 31 кг да 22 еўра і 10 кг на працягу каляндарнага месяца. Ва ўказе таксама вызначана, што ў выпадку ўвозу тавараў у Беларусь часцей за адзін раз у тры месяцы тавары коштам звыш 300 еўра і (або) вагой больш за 20 кг не будуць адносіцца да тавараў для асабістага карыстання. Пры гэтым нормы бяспошліннага ўвозу тавараў у 1 500 еўра і 50 кг працягваюць дзейнічаць.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?21
Каментары