МУС адмовіла праваабаронцы Танкачовай у скарачэнні тэрміну забароны на ўезд у Беларусь
Міністэрства ўнутраных спраў адмовіла праваабаронцы Алене Танкачовай у скарачэнні тэрміну забароны на ўезд у Беларусь. Як паведаміла Танкачова, такі адказ за подпісам намесніка кіраўніка МУС Мікалая Мельчанкі быў атрыманы ёю 15 лютага на ліст ад 12 студзеня.
«Згодна з артыкулам 22 закона Рэспублікі Беларусь ад 04.01.2010 года «Аб прававым становішчы замежных грамадзян і асоб без грамадзянства» іншаземцы, якія знаходзяцца ў Рэспубліцы Беларусь, абавязаныя выконваць Канстытуцыю Рэспублікі Беларусь і іншыя акты заканадаўства нашай краіны, паважаць яе нацыянальныя традыцыі, — гаворыцца ў адказе. — Аднак, знаходзячыся ў Рэспубліцы Беларусь, вы неаднаразова прыцягваліся да адміністрацыйнай адказнасці. Тлумачым, што нарматыўныя прававыя акты Рэспублікі Беларусь даюць Міністэрству ўнутраных спраў Рэспублікі Беларусь права, а не ставяць у абавязак скараціць тэрмін забароны ўезду ў Рэспубліку Беларусь замежнаму грамадзяніну. Гэтыя нормы маюць альтэрнатыўны характар. З улікам выкладзенага, у задавальненні хадайніцтва аб скарачэнні тэрміну забароны ўезду ў Беларусь вам адмоўлена».
У дакуменце Танкачову таксама папярэджваюць, што ў выпадку ўезду і знаходжання на тэрыторыі Беларусі да заканчэння тэрміну забароны на ўезд яна можаце быць прыцягнутая да адказнасці на падставе артыкула 371-2 Крымінальнага кодэкса, які прадугледжвае пакаранне да трох гадоў пазбаўлення волі.
Мельчанка адзначае, што ў выпадку нязгоды з рашэннем, прынятым па звароце, Танкачова мае права абскардзіць яго ў судзе.
Цяпер чытаюць
Анжаліка Мельнікава пасля знікнення набыла дзве кватэры ў Мінску72
Каментары