Баевікі тэрарыстычнай групоўкі «Ісламская дзяржава» распаўсюдзілі 25-хвілінны відэаролік з пагрозамі ў адрас заснавальніка Facebook Марка Цукерберга і стваральніка Twitter Джэка Дорсі, паведамляюць інфармагенцтвы.
Тэрарысты пагражаюць адпомсціць Facebook і Twitter за намаганні па барацьбе з распаўсюджваннем экстрэмісцкага кантэнту, а таксама за ліквідацыю акаўнтаў ісламістаў.
На відэазапісы паказана, як хакеры ІД на старонках карыстальнікаў Facebook і Twitter размяшчаюць прапагандысцкія матэрыялы. Экстрэмісты сцвярджаюць, што групоўка ўжо выявіла больш за 10 тысяч профіляў Facebook, звыш 150 груп Facebook і амаль 5 тысяч акаўнтаў Twitter.
«Калі вы закрыеце адзін наш акаўнт, мы ў адказ адкрыем 10 і ў хуткім часе сатром вашы імёны, калі ліквідуем вашы сайты», — гаворыцца ў відэароліку.
Прадстаўнікі Facebook і Twitter пакуль не каментуюць сітуацыю.
Цяпер чытаюць
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай21
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»2828
Каментары