Неабыякавыя да свайго гораду кіяўляне не даюць спакойнага жыцьця тамтэйшым герастратам. Падкрэсьлена непалітычныя й мірныя акцыі разам з тым вылучаюцца згуртаванасьцю, рашучасьцю й запамінальнасьцю.
Толькі ў канцы мінулага тыдня быў праведзены шэраг акцый абаронцаў архітэктурнай і ляндшафтнай самабытнасьці ўкраінскай сталіцы.
19 красавіка кіяўляне абаранялі ад камэрцыйнага высотнага будаўніцтва зялёныя схілы Дняпра й Аскольдаву магілу.
20 красавіка, нягледзячы на дрэннае надвор’е, актывісты ўжо баранілі кіеўскі велатрэк, на якім зусім нядаўна бруіла спартовае жыцьцё, а цяпер навезеныя будаматэрыялы для чарговага навабуду.
А 23 красавака акцыя супраць бескантрольнай забудовы Кіева прайшла перад будынкам гарадзкой рады.
Акцыі абаронцаў Кіева праходзяць мала таго што рэгулярна, але й яскрава ды запамінальна. Гэтак, на акцыі супраць будовы хмарачосу на схіле Дняпра актывісты ўсталі на хадулі (на фота), а да «суботніку» супраць зьнішчэньня велатрэку далучыліся прафэсійныя раварысты й вэтэраны роварнага спорту.
Хоць мерапрыемствы абаронцаў Кіева маюць падкрэсьлена непалітычны і мірны характар, дзе трэба, яны ідуць на рашучыя крокі. Гэтак, калі ахова адмовілася прапусьціць пікетоўцаў на ператвораны ў будаўнічую пляцоўку велатрэк, змыслыя маладзёны не разгубіліся й перакусілі замок кусачкамі.
Фота — Артем Чапай, saveoldkyiv.
Цяпер чытаюць
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары