Расшыфроўка самапісцаў Boeing, які разбіўся ў аэрапорце Растова-на-Доне, паказала, што ў пілота і яго памочніка былі розныя погляды на тое, што рабіць з самалётам. Да ўзаемаразумення яны прыйшлі, калі было ўжо позна.
Як паведамляе газета Коммерсант са спасылкай на блізкую да расследавання крыніцу, расшыфроўка параметрычнага і маўленчага самапісцаў прывяла да таго, што асноўнай версіяй крушэння самалёта flydubai у растоўскім аэрапорце цяпер лічыцца памылка экіпажа. Тлумачыцца гэта тым, што пілот і яго памочнік здзяйснялі розныя дзеянні ў апошнія секунды палёту, усчаўшы спрэчку паміж сабой.
Самапісец паказаў, што пілот лайнера сапраўды за 6 кіламетраў да ўзлётна-пасадачнай паласы вырашыў не садзіцца, а сысці на другое кола. Ён адключыў аўтапілот і ўзяў кіраванне на сябе. Аднак па невядомай прычыне ён не ўлічыў той факт, што пры пераходзе з рэжыму пасадкі ў рэжым набору вышыні Boeing 737-800 пры ручным кіраванні не плыўна сыходзіць наверх (як было б пры працы аўтапілота), а набірае вышыню ў рэжыме знішчальніка.
Калі самалёт выйшаў за крытычны вугал, яго хуткасць пачала падаць. У гэты момант і адбыўся канфлікт. Камандзір лайнера працягваў цягнуць штурвал на сябе, а другі пілот пачаў адштурхоўваць свой штурвал з крыкам «Стой. Куды? Стаяць».
У выніку бартавы камп'ютар пачаў атрымліваць розныя імпульсы ад двух штурвалаў, і кіраванне самалётам было разарвана.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў8
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары