Гаворка ідзе пра мінарытарны пакет «Беларусбанка». Прапанова аб выбары пакупніка акцый павінна быць унесеная ва ўрад да 1 лістапада 2017 года.
Як гаворыцца ў распаўсюджаным паведамленні, распараджэннем прэм'ер-міністра Беларусі Андрэя Кабякова створаная рабочая група для каардынацыі работы па рэалізацыі мінарытарнага пакета акцый «Ашчадны банк «Беларусбанк». Яе ўзначаліў міністр фінансаў Уладзімір Амарын.
Групе даручана ўзгадніць папярэднюю ацэнку кошту акцый банка. Таксама яна зоймецца ўзгадненнем умоў адкрытага конкурсу па выбары фінансавага кансультанта па пытаннях рэалізацыі акцый банка, складаннем спісу патэнцыйных дарадцаў і, пазней, ухвалай падрыхтаванага фінансавым кансультантам плана мерапрыемстваў па рэалізацыі мінарытарнага пакета акцый «Беларусбанка».
Паводле даследавання РІА Рэйтынг, па долі ў банкаўскіх актывах «Беларусбанк» — лідар у СНД. Доля «Беларусбанка» на нацыянальным рынку ў 2014 годзе склала 41%, тады як у ідучых за ім Банка Грузіі і Міжнароднага банка Азербайджана яна была, адпаведна, 36,6% і 36,5%.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?18
Каментары