Украінскія памежнікі знайшлі 17 карцін, выкрадзеных у Італіі, на суму 16 млн еўра
Работнікі памежнай службы і ваеннай пракуратуры правялі паспяховую аперацыю па пошуку калекцыі з 17 карцін, выкрадзеных з гарадскога музея італьянскай Вероны.
Пра гэта паведамляе прэс-служба прэзідэнта Украіны Пятра Парашэнкі.
Паводле інфармацыі памежнікаў, агульны кошт знойдзеных работ Рубенса, Тынтарэта, Пізанэла, Карота і Мантэньі перавышае 16 млн еўра.
Па словах старшыні Дзяржаўнай памежнай службы Украіны, генерал-палкоўніка Віктара Назаранкі 6 мая 2016 года сумеснай следча-аператыўнай групай у Адэскай вобласці, у 1,5 км ад дзяржаўнай мяжы, пры падрыхтоўцы да пераправы на тэрыторыю Малдаўскай рэспублікі, было затрымана 17 карцін, якія маюць вялікую гістарычную і мастацкую каштоўнасць. 7 мая была праведзеная мастацкая экспертыза, у выніку якой выяўлена, што гэтыя карціны — арыгіналы.
«Гэтыя карціны — зоркі калекцыі музея Вероны… такімі эфектыўнымі дзеяннямі мы не толькі захавалі сусветную каштоўнасць гэтых палотнаў, але і пацвердзілі на належным узроўні прэстыж Украіны», — падкрэсліў прэзідэнт.
«Парашэнка даручыў намесніку кіраўніка Адміністрацыі прэзідэнта Украіны Канстанціну Елісееву звязацца з італьянскімі партнёрамі і запрасіць экспертаў для пацверджання сапраўднасці палотнаў і ўзгаднення фармальнасцей, звязаных з іх перадачай», — гаворыцца ў паведамленні.
11 лістапада 2015 года з Гарадскога музея Кастэльвек'я ў горадзе Верона было выкрадзена 17 найкаштоўнейшых карцін старых майстроў — Рубенса, Тынтарэта, Пізанэла, Карота і Мантэньі.
Па падазрэнні ў крадзяжы карцін з музея Вероны было затрымана 10 грамадзян Малдовы.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары