Больш за паўтысячы чалавек сталі ахвярамі анамальнай спёкі ў Індыі за апошнія тры тыдні. Пра гэта паведаміў Дзяржаўны дэпартамент па ліквідацыі наступстваў стыхійных бедстваў краіны.
Моцная спёка стаіць на большай частцы тэрыторыі Індыі. Ад недахопу пітной вады пакутуе насельніцтва ў 256 акругах, дзе пражываюць звыш за 330 млн чалавек. «Самае вострае становішча ў паўднёвых штатах Адыш'і, Тэлангане і Андхра-Прадэшы, дзе за апошнія два тыдні загінулі не менш за 500 чалавек», — адзначаецца ў зводцы. У Адыш'е неаднаразова адзначалі самыя высокія пікавыя тэмпературы ў краіне, якія дасягалі 48 градусаў па Цэльсіі.
У Адыш'і ад наступстваў цеплавога ўдару памерлі 198 чалавек, у суседняй Тэлангане колькасць ахвяраў перавысіла 260, у Андхра-Прадэшы — больш за 70, пры гэтым навукоўцы папярэджваюць аб тым, што ў бліжэйшыя дні пахаладання не прадбачыцца.
«Гэта лета стане самым гарачым за апошнія 100 гадоў, а максімальная тэмпература на поўдні можа перавысіць 48 градусаў», — лічаць у метэаралагічнай службе Індыі.
Летась ахвярамі анамальнай спякоты сталі звыш за 2 тысячы чалавек. Сёлета, імкнучыся прадухіліць вялікія чалавечыя страты, улады абвясцілі ў самых гарачых раёнах надзвычайнае становішча. Насельніцтву рэкамендуюцца не пакідаць дамы ў разгар спёкі з 11 да 13 гадзін дня без вострай неабходнасці. Аператыўна разгортваюцца пункты бясплатнай выдачы пітной вады і малочнай сыроваткі.
Эксперты тлумачаць беспрэцэдэнтную спякоту ў Індыі мясцовымі анамаліямі, а таксама моцным уплывам Эль-Ніньё. Гэта цыклічная прыродная з'ява, якое адбываецца з інтэрвалам у 2-7 гадоў. Эль-Ніньё звычайна спадарожнічаюць экалагічныя катастрофы: засухі, пажары, ліўневыя дажджы, якія выклікаюць затапленне велізарных тэрыторый, што прыводзіць да гібелі людзей і знішчэння жывёлы і ўраджаю ў розных раёнах Зямлі.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім6
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары