Пра гэта паведаміла ў сваім фэйсбуку афіцыйны прадстаўнік Следчага камітэта Юлія Ганчарова.
«У рамках вывучэння абставін гібелі дзіцяці пасля вакцынацыі следства актыўна ўзаемадзейнічае са спецыялістамі ГКСЭ, а таксама Упраўленнем аховы здароўя. У цяперашні час атрымана інфармацыя аб тым, што ўведзеная вакцына бельгійскай вытворчасці, закуплялася яна цэнтралізавана. У бліжэйшы час адносна пытанняў вакцынацыі ўпраўленне аховы здароўя дасць дадатковую інфармацыю і тлумачэнні», — напісала Юлія Ганчарова.
Следствам прызначана судова-медыцынская экспертыза, па выніках якой можна будзе казаць аб наяўнасці або адсутнасці прычынна-следчай сувязі вакцыны і наступстваў — смерці дзіцяці. Акрамя таго будзе зразумела — індывідуальныя асаблівасці арганізма сыгралі ролю ў трагедыі альбо якасныя характарыстыкі прэпарату.
Пакуль вынікаў экспертных даследаванняў следчыя органы не атрымалі, яны толькі прызначаныя.
У сувязі з гэтым звяртаю ўвагу СМІ, падкрэсліла Юлія Ганчарова, на недапушчальнасць заўчасных высноваў аб тым, што прычынай з'яўляецца вакцына, яе вытворца або іншыя якасныя характарыстыкі.
***
Як паведамлялася, трагедыя здарылася ў Гродне 31 мая. Каля 16 гадзін у дзіцячай паліклініцы №1 пасля ўвядзення камбінаванай вакцыны супраць адзёру, паратыту і краснухі рэзка пагоршыўся стан здароўя ў 6-гадовай дзяўчынкі, жыхаркі абласнога цэнтра. Нягледзячы на аказаную медыцынскую дапамогу, яна памерла ў прысутнасці сваёй маці.
Каментары