Лех Валенса параіў камандзіру эсмінца ЗША збіваць расійскія самалёты
Экс-прэзідэнт Польшчы Лех Валенса заявіў, што на месцы капітана эсмінца ЗША «Дональд Кук», побач з якім праляталі расейскія бамбавікі, збіў б іх.
«Калі б я быў камандзірам гэтага карабля, і яны [рускія] праляталі б, я збіў бы іх. Не забіваў бы. Страляў бы па крылах», — сказаў Валенса ў інтэрв'ю радыё «Свабода».
Адказваючы на заўвагу журналіста, што такія дзеянні прывядуць да канфлікту, Валенса адзначыў: «Ніякага канфлікту. Які канфлікт? Ніхто яго не хоча, і рускія яго не хочуць».
Паводле яго, Расія хоча дамагчыся перамогі «застрашваннем і шантажом». «Расія не можа дазволіць сабе канфлікт, гэта жудасна дорага», — сказаў палітык.
У красавіку ЗША вінавацілі Расію ў тым, што расійскія бамбавікі «Су-24» некалькі разоў праляталі ў непасрэднай блізкасці ад эсмінца ВМС ЗША «Дональд Кук» у Балтыйскім моры.
Раней збіваць расійскія самалёты, калі тыя здзяйсняюць небяспечныя манеўры, прапаноўваў кандыдат у прэзідэнты ЗША Дональд Трамп.
Цяпер чытаюць
У Кіеве за шпіянаж арыштавалі беларускую журналістку Іну Кардаш. Кажуць, з 2015 года яна працавала на КДБ10
Каментары